Rwanda : Gatsibo babihemu barahagurikiwe

 

Nyuma yo kubona ko benshi mubahawe inguzanyo n’ibigo by’imari

iciriritse n’amabanki mu karere ka Gatsibo babyambuye kandi ntibagire

ubushake bwo kwishyura, taliki ya 03 gicurazi,2012 ubuyobozi bw’akarere ka

Gatsibo buhagarariwe na Isae Habarurema, abayobozi b’ibigo by’imari

icirirtse n’amabanki hamwe n’abayobozi b’imirenge, abakuru ba police

n’inzindi nzego zagira uruhare mukugaruza imyenda bashyizeho itsinda

ryo kwishyuza k’uburyo bwihuse abambuye ibyo bigo by’imari iciriritse

n’amabanki biswe ba “Bihemu” kuko hari n’abafite amafaranga banze

kwishyura ahubwo bagakora uburiganya bwo kwimuka aho batuye

bagafunguza amakonti mubindi bigo kimwe n’amabanki.

 

Nkuko umuyobozi w’akarere wungirije ushinzwe ubukungu Habarurema Isae

yabitangaje ngo u Rwanda rufite intego yo gutoza abaturage gukorana

n’amabanki ariko bakishyura. “kuba dusaba abaturage gukorana

n’amabanki ntibivuze ko batagomba kwishyura kuko aya mafaranga

n’ayabandi baturage bayabikije, ikindi nubwo aya mabwiriza yatanzwe na

minisiteri y’ubucuruzi yo gukurikirana ikibazo cy’abambura ibigo

by’imari iciriritse natwe dukwiye kugira abaturage b’inyangamugayo

tukabibatoza.”

 

Iri tsinda ryagiyeho rifite n’urutonde rw’abantu n’amashyirahamwe na

koperative zambuye ibigo n’amabanki, bakaba biyemeje ko bagiye guhera

kubafite amafaranga bashobora guhita bishyura kuko hari abazwi ko

bafite ubushobozi naho abatabufite bakagomba kugenzura aho uwo mwenda

ugomba kuva mubyo batunze.

 

Kimwe cyagarutsweho ni uko nubwo bagiye kwishyuriza ibigo by’imari

iciriritse n’amabanki nabyo bigomba kwitonda mugutanga inguzanyo kuko

hari amakoperative atarahawe ubuzima gatozi yahawe inguzanyo

ikagabanywa mu matsinda none ubu kwishyuza ni ikibazo.

 

Muri uku kwishyuza bikaba bigomba kujyana no kwigisha abaturage

gukorana n’amabanki kuko hari abazi ko amafaranga bahawe n’ibigo

by’imari iciriritse imeze nk’inka z’ubudehe umuntu yigengaho kuko

batari bazi ko bazayishyura.

 

Nubwo mu karere ka gatsibo urutonde ari runini kubishyuzwa kandi

amafaranga menshi kuko nk’umurenge ubarizwamo miliyoni zirenga icumi

umurenge wa Kiramuruzi ukagira abantu benshi bafite imyenda.

 

Kihangire Bishop umunyamabanga nshingwabikorwa w’umurenge wa

Kiramuruzi avuga ko we agomba kunyura mubafite imyenda akabibutsa kuko

bishoboka ko hari abatazi ko bafite imyenda kuko basanzwe bafite

amafaranga kandi bafite n’akazi kuburyo kwishyura bitagombye kuba

ikibazo, gusa ngo banki n’ibigo bijye bimenya gusobanurira abakorana

nabyo nuburyo bakorana.

   

 

 

 

 

Share Button
Leave A Comment