Rwanda : Gatsibo Sacco zigiye gukorana na ECOBANK

Ibigo by’imari iciriritse birimo Sacco z’imirenge zikorera mu karere

ka Gatsibo ziteganya kugirana amasezerano yo gukorana na Banki

y’ubucuruzi ECOBANK mu kwagura ibikorwa byazo hamwe no guteza imbere

imikorere yazo n’abakozi bazikorera. Nkuko umukozi w’akarere ka

gatsibo ushinzwe amakoperative Sengabire Celestin abitangaza. Ikindi ngo ni uko iyi

mikoranire izatangira nyuma yo gusinya amasezerano hagati ya Sacco

z’imirenge na ECOBANK.

Akarere ka gatsibo gafite imirenge sacco igera kuri 14, ziyikoreramo kandi zigafasha abaturage kuzigama, aho byatumye zishobora

gukora neza cyane ahari ibikorwa byo gukora amaterasi aho abaturage

bahemberwa ku makonti bafite muri Sacco, ikindi gituma Sacco

z’imirenge zitabirwa n’abaturage ni uko akarere ka Gatsibo uretse banki

ya Kigali ihakorera hamwe na Banki y’abaturage ntayindi banki ikorera

muri aka karere uretse ibigo by’imari iciriritse kandi Sacco akaba

arizo zegera abaturage cyane mu mirenge igize aka karere.

Sengabire Celestin avuga ko abanyamuryango bikubye kabili

ugereranyije n’umwaka ushize ndetse n’inguzanyo itangwa iriyongera,

gukorana na banki y’ubucuruzi bikazatuma Sacco zigira amaserivise

menshi yiyongera kuzitangwa zirimo na Western Union ikoreshwa

mukoherezanya amafaranga ndetse bikazatuma n’ikoranabuhanga ryiyongera

cyane ko zimwe zabonye amashanyarazi. Mu karere ka Gatsibo muri Sacco

14 zikorera mu mirenge 13 zimaze kubona icyangombwa cya burundu cya

Banki Nkuru y’Ihiguhu BNR.